Xalto eskolako frontoia zabaldu du Goizuetako Udalak, eta dagoeneko aritu daitezke bertan, herriko pilotariak. Hori bai, kirolari federatuek edo profesionalek bakarrik izanen dute erabiltzeko aukera, eta bakarrik aritu beharko dute bertan.
Frontoia erabili nahi duenak, aldez aurretik eskatu beharko du txanda, Goizuetako udaletxera deituta: 948 51 40 06.
Egunean ordubete, gehienez
Kirolari bakoitzak, egunean ordubetez aritu ahal izanen du gehienez, eta frontoia erabiltzeko ordutegia ere jarri dute: goizez, 10:00ak eta 14:00ak bitartean egonen da zabalik; eta arratsaldez, berriz, 16:00etatik 20:00etara. Larunbat eta igandeetan, goizetan irekita egongo da, baina arratsaldetan itxi eginen dute.
Bukatzean, garbitu eta desinfektatu
Beste baldintza bat ere jarri du Goizuetako Udalak, frontoia erabili nahi dutenentzat: beraien txanda bukatzean, frontoia garbitu eta desinfektatu egin beharko dute, hurrengo kirolaria sartu aurretik.