Covid-19a dela eta, konfinamendu egoeran, tokiko produktuen salerosketa nabarmen aldatu da. Izan ere, baserritar txikien ekoizpenarentzat irtenbide nagusia salmenta zuzena izan ohi da, eta «egoera honek ez du batere laguntzen».
Hori dela eta, Goizuetako produktuei irtenbidea emateko asmoz, udala baserriekin jarri da kontaktuan eta bakoitzak eskaintzeko dituen produktuak biltzen dituen zerrenda osatu da. Honela, erosleek produktu bakoitza non eta zer preziotan aurki dezakeen jakingo du. Hortik aurrera, «eroslea eta saltzailearen artean adostu beharko dute non eta nola egin produktu-diru trukea». Beste ekoizleren batek bere produktuak sartu nahiko balitu, 608 695 791 telefonora deitzea besterik ez du. Azkenik, udalak dio, «inoiz baino garrantzitsuagoa dela bertako eta garaian garaiko produktuak kontsumitzea, bertako ekoizle eta komertzio ttikiak zaintzea eta krisialdi honi aurre egiteko apustu handiena.