Asteburu musikala dator Astigarragara; izan ere, bi kontzertu eskainiko dira etzi. Arratsaldeko 17:00etan emango zaie hasiera, Erribera kulturgunean. Lehenengo, The Bobby's taldearen 10. urteurreneko dokumentala eskainiko da, eta jarraian, hainbat abesti joko ditu taldeak. Ondoren, Yakovlev 42 taldearen txanda izango da.
Sarrerak salgai
Sarrerak 8 euro balio du, eta 15 euro ordainduta, The Bobby'sen DVDa eskuratu daiteke. Sarrerak salgai daude, Zipotza tabernan, Gazte Informazio Gunean, edo 616 599 334 telefonora deituta. Egunean bertan ere, Erriberako leihatilan erosi daitezke, arratsaldeko 16:00etatik aurrera.
