ARGAZKI SAIOAK

Etenaldi baten ondoren, Astigarragako Emakumeon Plazako muralerako argazki saioak, berriro ere martxan

Kronika - Erredakzioa 2020ko eka. 3a, 00:00
Ekainan zehar izango dira argazki saioak.

Astigarragako Emakumeon Plazako murala osatzeko herriko emakumeekin zenbait saio egin ziren martxoan, Nagore Legarreta argazkilariaren eskutik, eta Koronabirusak sortutako alarma egoera apalduta, berriro ekin zaie saio hauei, eta ekainan zehar izango dira.

Astigarragako Emakumeon Plazako murala osatzeko herriko emakumeekin zenbait saio egin ziren martxoan, aipatu moduan, Nagore Legarreta argazkilariaren eskutik. Covid-19aren hedapenari aurre egiteko piztutako alarma egoera dela eta, bertan behera gelditu ziren saio hauek. Hala ere, astelehenean hasi ziren berriro argazki saioekin, eta lehenengo parte hartzaileak Harituz elkarteko kideak izan dira. 
Argazki saioetan aurretik izena emanda zutenek soilik har dezakete parte. 
Guztira zortzi saio izan dira bertan behera geratu zirenak Koronabirusagatik, eta aforoa murriztu behar denez, oraingoan 11 saio egingo dira, jendea sakabanatzeko asmoarekin, eta segurtasuna bermatzeko. 
Saio guztiak, hil honetan izango dira, hau da, ekainan, goizeko 10:00etatik eguerdiko 12:30etara, eta arratsaldeko 17:30etatik 19:30etara. Udalak jakinarazi du, egunak parte hartzaileekin zehaztuko dituela. Martxoko saioak, Erribera kultur etxeko aretoan egin baziren ere, oraingo honetan, kultur etxe zaharrean egingo dira, areto nagusian, hain zuzen.
Gainera, antolatzaileek, a­zal­du dute, «saioak kontingentziarako babes neurriak zorrotz beteta, eta 10 pertsonako taldeetan» egingo direla. 

Saioetara eraman beharreko materiala 
Hau da, saioetara eraman beharreko materiala: maskarila; kolore argiko arropak, koloretsuak, bolantedunak, zapiak; udarako arropak, manga motza, tiradunak, udako galtzak, gonak; jarduera edo kirol ezberdinetako arropak; norberarentzat garrrantzitsua den objekturen bat. Eta azkenik aipatu dute «jolasteko, beste emakumeekin aritzeko, konpartitzeko eta mugitzeko gogoa ez ahazteko».   

Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!