Covid-19ak eragindako alarma egoera honen aurrean, kultur ekitaldirik ezin da egin Biterin. Hori horrela, Hernaniko Udalak, kultur programazio berezi bat antolatu du, maiatza eta ekaina bitartean egiteko, «kultura hernaniarren etxeetara eramango dugu» azpimarratu du Udalak.
Izan ere, kultur emanaldiak online ere eskaini daitezke, eta gaurkoan, Apaxi ipuin kontalariaren ordua izango da; 18:00etan eskainiko du online kontaketa. Etzi, ostiralean, bideo-dantza ikusteko aukera ere egongo da, Arantza Iglesias eta Jokin Labaienen eskutik, arratsaldeko 19:30etan
Bi modu daude ikusteko, alde batetik Hernaniko Udalaren YouTube kanalean: https://labur.eus/X4K7o eta beste alde batetik, Hernaniko Udalaren webgunetik: https://labur.eus/X4K7o. Hemen, zuzenean ikusi daiteke:
Maiatzeko azken astean, Morau eta Xabi Solano
Hileko azken astean, bi emanaldi egongo dira, poesia Morauk eginda eta musika, Xabi Solanoren eskutik. Ekainean zehar emanaldiak ere egongo dira ekainaren 19ra arte.
