Udaletxeko aurrez aurreko zerbitzua martxan gaurtik, zita eskatuta

Goizeko 09:00etatik 13:00etara eskainiko dute aurrez aurreko arreta. Emailez edo telefonoz eskatu behar da, eta segurtasun neurriak hartu.

Gaur hasiko dira aurrez aurreko arreta eskaintzen, Astigarragako udaletxeko zerbitzu askotan; baina horretarako, aldez aurretik eskatu beharko da hitzordua, emailez edo telefonoz.

Aurrez aurreko zerbitzu hori, goizez bakarrik eskainiko dute, 09:00etatik 13:00etara, zitarekin joanda. Hitzordurik gabe doanak, udaletxeko harrerara joan beharko du, zita eskatzera.

Zehazki, honakoetan eskatu daiteke zita, aurrez aurreko arretarako:

-Harrera eta erregis­troa: udala@astigarraga.eus edo 943 33 50 50

-Udaltzaingoa: udal­tzaingoa@astigarraga.eus, 943 33 52 30 edo 699 487 587

-Hondakinen bulegoa: hondakinak@asti­ga­­rra­ga.eus

-Gizarte Zerbitzuak: ongintza@astigarraga.eus edo 943 33 52 32

-Idazkaritza: idazkaritza@astigarraga.eus edo 943 33 52 34

-Zerga bilketa: zergabilketa@astigarraga.eus edo 943 33 52 31

-Hirigintza eta ingurumena: hirigintza@astigarraga.eus edo 943 33 52 41

-Obrak eta zerbi­tzuak: obraketazerbitzuak@astigarraga.eus edo 943 33 50 68

-Kultura eta euskera: kultura@astigarraga.eus edo 943 33 50 64

Aurrez aurreko zerbitzua jasotzeko, segurtasun neurriak hartu beharko dira. Udaletxeko sarreran bertan, gel hidroalko­holikoa eta maskarillak egongo dira, eta sartzean, eskuak garbitu eta maskarilla jantzita egon beharko da uneoro. Gainera, distantzia zaindu beharko da, seinaleak jarraituz; eta kartelei eta udal langileek emandako jarraibideei kasu egin behar zaie.