Komunikazioa lantzeko ikastaroa bihartik, emakumeentzat

Harago aholkularitzako adituek eskainiko dute ikastaroa.

Harago aholkularitzak emango du, Aztifemiak taldeak antolatuta. Izena eman behar da.

Formakuntza saioak antolatu ditu Aztifemiak talde feministak, bihar hasita, datozen bost astearteetarako: maiatzak 19 eta 26, eta ekainak 2, 9 eta 16, arratsaldeko 16:00etatik 18:00etara.

Horietan, landuko dute komunikatzeko gaitasuna, Harago aholkularitzaren eskutik. Emakumeei zuzendutako ikastaroa da, «barne eta kanpo ahalduntzerako elkar ikasketa eremua».

Zoom programa erabilita, in­ternet bidez egingo dituzte sa­ioak; eta parte hartzeko, izena eman behar da, aldez aurretik: aztifemiak@gmail.com helbide elektronikora idatzi behar da. Plazak mugatuak dira.