Kultur programazioa

Lur Kortaren ipuin saioa, webgunean

Udalak atal berezia sortu du webgunean (www.astigarraga.eus) konfinamendu garairako, 'Haur eta familientzako aisialdia etxean' izenekoa, eta kultur programazio zabala eskaintzen ari da bertan, online. Dagoeneko, sukaldaritza tailerrak, magia eta antzerki ikuskizunak, esperimentu tailerrak, zirku tailerrak edota ipuin kontaketa saioak zintzilikatu ditu, herriko hainbat eragilerekin elkarlanean arituta. Azkenekoa, atzo zintzilikatu zuen; dagoeneko ikusgai dago Lur Korta kontalariaren azken ipuin saioa. Besteak beste, Maori Txiki istorioa kontatu du. Baita lehengo asteko asmakizunaren emaitza eman ere!