Martxoaren 14ko Errege Dekretuak jarritako konfinamendu egoerak konpainiako animaliei nola eragiten dien zehazteko Animalien Eskubideen Zuzendaritza Nagusiak hainbat gomendio eman zituen, eta Udalak horien berri zabaldu zuen pasa den astean.
Era berean, azpimarratu zuen «dauden ebidentzia zientifikoen arabera, animalia domestikoek ez dutela koronabirusa jasaten eta transmititzen».
Paseo laburrak
Animaliak ukitu edota paseatzera atera ondoren, eskuak garbitu, eta aurpegia ukitzea saihestu behar da. Era berean, animalien hanketako kuxinak eta isatsa gel desinfektatzailearekin garbitzea gomendatzen da. Paseoak «behar fisiologikoak egiteko behar den denbora» hartu behar dute, inorekin kontakturik izan gabe. Berdin, kaleko katuei janaria emateko.