Gaurtik aurrera, 'Egunean 5' galdera, Mundarrok

Alarma egoera honen aurrean, etxean gelditzeko kanpainarekin bat etorri da Mundarro. Hori dela eta, egunean 5 galdera egingo ditu Mundarrok bere instagram kontutik, astigarragakomundarro. Galderak, Astigarraga, Mundarro eta kirolari buruzkoak izango dira. Antolatzaileek adierazi dute sari ugari egongo direla irabazleentzat, hala nola, sudaderak, poloak, motxilak, eta beste hainbeste. Beraz, parte hartzeko deia luzatu dute.