Go!azen telesailaren 13garren denboraldiaren aurre-estreinaldia izango da bihar, Urumea bailarako herri gehienetan. Lehenengo kapitulua jarriko dute, UEMAk eta EITBk sinatutako hitzarmenari esker, telebistako estreinaldiko data baino lehen.
Hernanin, gaur arratsaldeko 16:45etan jarriko dute Biterin, eta bihar ere eskainiko dute ordu berean. Eta beste hiru herritan ere izango da ikusgai gaur. 17:00etan astigartarren txanda izango da, Erriberan, eta sarrerak 2 euro balio du. 17:30etan Goizuetan jarriko dute kapitulua, udaletxeko ganbaran. Eta azkenik, Ereñotzun ere izango dute aukera lehenengo kapitulua ikusteko, arratsaldeko 18:00etan Auzo Udaleko areto nagusian.