Bihar arratsaldean jokatuko da, Aiako Urdaneta auzoan, emakumezkoen Gipuzkoako lehenengo mailako aizkolari txapelketa. Eta bertan izango dira bailarako bi aizkolari: Laiene Pikabea ereñotzuarra eta Malen Barrenetxea hernaniarra. Arratsaldeko 18:00etan hasiko da lehia.
Pikabeak eta Barrenetxeak beste hiru aizkolari izango dituzte kontrario: Oihana Fernandez de Barrena, Nerea Arruti eta Irati Astondoa. 45 ontzako launa enbor moztu beharko dituzte.
Aizkolarien txapelketaz gain, harri haundietakoa ere jokatuko da, hori ere emakumezkoetan. Lehian ariko dira Udane Ostolaza, Olaia Esnaola, Estefania Echeveste eta Eider Garcia Durana, azkeneko hau gonbidatu gisa.