Punta-puntako derbia jokatu zuten Hernanik eta Mundarrok, joan den larunbatean, mutilen Gipuzkoako lehenengo mailan. Ezin estuagoa izan zen lehia, eta astigartarrek lortu zuten garaipena azkenean (77-79). Aurreneko laurdenean lortutako abantaila (12-23) baliatu zuten horretarako, baina ez zuten amore eman hernaniarrek, eta markagailua iraultzeko zorian izan ziren. Garaipen horrekin, sailkapeneko buru dira astigartarrak, jokatutako bost partiduak irabazita.
Mundarroko neskek, berriz, denboraldiko bigarren garaipena lortu zuten Arrasaten, Ointxeren kontra (43-56).