Datorren asteartean, irailaren 29an, egingo dute hileko ohiko plenoa, Hernaniko eta Astigarragako udalek. Arratsaldeko 18:00etan izango da Hernanikoa, eta 19:00etan Astigarragakoa. Eta bietan, puntu bat izango da nagusi: egonaldi turistikoen gaineko zerga ordenantza sortu eta tarifak onartzea. Horrez gain, Hernanin beste zazpi gai landuko dituzte; tartean, beste hiru ordenantzatan egin beharreko aldaketak: 2027ko ordenantza fiskalean, tasa eta prezio publikoenean, eta azken horien salbuespen eta murrizketak arautzen dituen ordenantzan. Astigarragan, berriz, luzeagoa dute gai-ordena, 10 punturekin; eta ordenantzak dira eztabaidagai nagusia: hiri barruko garraio publikoaren tarifena eta 2027ko zerga ordenantza. Baina kasu honetan, kale garbiketa zerbitzuaren kontratazio espedientea ere esleituko dute, besteak beste.
Etziko plenoetan aztergai, egonaldi turistikoen zerga ordenantzak
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!
Egin zaitez KronikaKide!