Zita bikoitza daukate Goizuetako eta Aranoko literaturzaleek, bihar. Batetik, bi herrietara bisita eginen duelako liburutegi ibiltariak, arratsaldearen hasieran. 14:30etan iritsiko da Goizuetara, eta eskolako atarian egonen da 15:30ak arte. Ondoren, Aranorako bidea hartuko du, eta 16:00etatik 16:30etara izanen da bertan.
Eta bestetik, bihar bertan eginen du aurreneko saioa Goizuetako Irakurle Taldeak, 18:30etan Tifanitxon. Laura Mintegiren 'Akabo' liburua izanen dute hizpide. Parte hartu nahi duenak, 621 248 024 telefonora deitu edo idatzi dezake.