Beti bezain polita izan zuten hasiera Aranoko Santio jaiek, atzokoan, Maixux Zugarramurdiren eskutik oraingoan. Hunkituta bota zuen itxaferoa, herrikideen berotasuna eskertuz. Astigartarrek, berriz, sekulako martxarekin hasi dute festen bigarren erdia; haietako askok gaupasa eta guzti, goizaldeko barrene, joko eta gosarira arte luzatuta.
Gauzak horrela, eta asteburuan sartuta, giro aparta izango da bi herrietan, gaur eta bihar; are gehiago, Santio eta Santa Ana egunak izanda.
Gaurko jarduera eta emanaldi zerrenda luzean, Astigarragan bereziki jendetsua izango da Iruñeko Buztintxuri konpainiako erraldoi eta kilikien kalejira eguerdian, astigartarrekin batera; eta arratsaldean frontoian bilduko dira ehunka herritar, euskal dantzen emanaldiarekin aurrena, eta esku pelotako finalarekin ondoren.
Aranon ere izango du protagonismoa esku pelotak, Aranoren eta Goizuetaren arteko desafio klasikoarekin; eta baita bertsoek ere, puntako saioarekin.
Hortik aurrera, luze joko du gaurko festak bi herrietan...