Ez dute lortu emaitza positiborik bailarako taldeek herriartekoaren final laurdenen joanekoan. Hernanik etxean jokatu zuen, Azpeitiaren aurka, eta honakoak izan ziren emaitzak: 22-19 irabazi kadeteetan, 14-22 galdu jubeniletan eta 12-22 galdu nagusietan. Horrela, zaila dute hernaniarrek markagailuari buelta ematea; puntu diferentziaz gain, azpeitiarrek zaleak izango baitituzte alde gainera. Itzulikoa, beraz, asteburu honetan jokatuko da, nahiz eta ordutegia oraindik ez duten zehaztu.
Astigarragaren kasuan ere emaitza ez zen positiboa izan, palisten lehen partidua zenean txapelketa honetan. Kantxa osoko banakakoa jokatu zuten lehendabizi, eta 20-5 galdu zuten; ondoren, buelta eman zioten egoerari binakakoan, 6-20 irabaztea lortu baitzuen; hala ere, zazpi barruko banakakoan berriro ere alde jarri zuten norgehiagoka azkoitiarrek, 20-6 irabazita. Txomiñenean jokatu dute itzulikoa, ostiralean 19:00etan.