Konektatuz ekitaldiaren laugarren edizioa izango da bihar eguerdian, 13:00etan hasita, Astigarragako Erribera kulturgunean. Aspegik antolatu du, Gipuzkoako Emakume Enpresari, Profesional eta Zuzendarien Elkarteak, Beterri-Buruntza Mankomunitatearekin elkarlanean.
«Hausnarketarako, inspiraziorako eta konexiorako gunea» da ekitaldia, eta helburu du «lurralde ezberdinetara hurbiltzea eta Gipuzkoako esparru ekonomiko, profesional eta sozialean emakumeen talentua, lidergoa eta ekarpena balioestea».
Aurtengo ekitaldiak Beterri-Buruntzan jarriko du arreta, eta bertako emakume erreferenteak bilduko ditu, mahai inguru batean. Nerea Basurto Arraztiok gidatuta, honakoak izango dira partehartzaileak:
- Alaitz Tolosa Irazusta, Talleres Mitxelena S. Coop.-eko Proiektu Estrategikoenarduraduna
- María Herrero Eizmendi, HERREKOR S.L.U.-ko gerentea
- Norexis Carilin Orellanas Araujo, Chimeneas Erre Berri S.L.L.-ko bazkidea
- Silbia Roson Goikoetxea, Laboral Kutxaren Hernaniko bulegoaren zuzendaria
- Sonia Valor Cuadrado, Baihome Higiezinen zerbitzuen sortzailea.
Edozein bertaratu daiteke topaketara, eta luntxa ere izango da bukaeran. Doakoa da, aforoa bete arte, eta aldez aurretik eman daiteke izena helbide honetan: https://docs.google.com/forms/d/e/1FAIpQLSe7OajGBRqDyzJeyZ1Tpt_cw3gct4ZJhMqG9tkg2dNC3E54-A/viewform