Mezak gaur, eta gurutze bidea bihar

Erramu bedeinkapenen ondoren, gaur helduko diete Aste Santuko ospakizunei, bailarako elizetan. Ostegun Santuz, Jaunaren afariko mezak egingo dituzte: Astigarragako Andre Marian 17:30etan; Ereñotzuko San Antonion 18:00etan; Hernaniko San Joan Bataiatzailean 19:00etan eta San Jose Langilean 19:30etan; eta Goizuetako Jasokundeko Andre Maria elizan 19:00etan. Bihar, berriz, gurutze bidea egingo dute: Hernanin, 08:30etan abiatuko dira Santa Barbarara, gurutzearen atzetik; Astigarragan, elizaren inguruan izango da, 10:30etan; eta Ereñotzuko San Antonion, 09:00etan. San Joan Bataiatzailean ere jarri dute hitzordua, goizeko 11:00etan. Arratsaldean, berriz, Jaunaren heriotzaren elizkizunak egingo dituzte Andre Marian (17:30), San Antonion (18:00), San Joan Bataiatzailean (19:00), Jasokundeko Andre Marian (19:00) eta San Jose Langilean (19:30).