Pasa den asteburuan, Hernaniko Xuhar Hernandez eta Markel Madina txapeldun izan ziren Udaberri Txapelketan, binakako eskuzko kadeteetako 3garren Mailan. Bergarari irabazi zioten finala, 2-1 (10-8, 6-10 eta 5-1). Jubenilen 1go mailan, Mundarro ere irten zen txapeldun, Ekhi Oses hernaniarrak eta Oier Galarraga astigartarrak 0-2 (8-10 eta 2-10) garaitu baitzuten Oteitza 1eko bikotea.
Gainontzeko emaitzei dagokienez, emakumezkoen eskuzko binakako kadeteetan, Ziotzak Intza garaitu zuen, 2-0 (10-8 eta 10-8); mutilen jubeniletako 2garren mailan, Ataunek Aloña mendiri irabazi zion, 1-2 (8-10 eta 1-10); gomazko paletako emakumezko nagusietan, Behar Zana izan zen txapeldun, Txosten aurka 0-2 (9-10 eta 5-10) irabazi ondoren; azkenik, gizonezkoen kasuan, Eple izan zen garaile, Oiangu 2-0 (15-9 eta 15-7) garaitu baitzuen.