Aurreko asteburuan jokatu zen, Kataluniako Sant Andreu de la Barca herrian, BTT jaitsieren Espainiako Txapelketa. Eta bertatik, zilarrezko dominarekin bueltatu zen Aritz Urdampilleta ereñotzuarra: bigarren sailkatu zen 30 urtetik gorakoen kategorian, Guillem Jorba kataluniarraren atzetik.
Mendiko bizikletarekin jarraituta, 'cross country' denboraldia bikain hasi du Eneko Olveira astigartarrak ere. Espainiako Koparen aurreneko bi probak jokatu ditu, elite mailan, sekulako emaitzak lortuta: zazpigarren izan zen Zaragozan, eta podiumera igo zen Candeledan, hirugarren.