Eguraldiak batere lagundu ez duen arren, martxa ederra hartu dute Inauteriek, Urumea bailaran. Eta beste pauso bat emango dute gaur, oso zita politak izango baitituzte hiru herritan.
Goizuetan gaur hasiko dira Karnabalak, ohiko moduan: gaztetxoen zahagi dantzak alaituko ditu herriko kaleak, arratsaldean. Mozorroek gaurko afariarekin hasiko dute bi eguneko 'maratoia', eta biharko lanbideen kalejira eta etziko zahagi dantza izango dira ekitaldi nagusiak.
Hernanin, berriz, Ttarlaren mozorroen kalejirak hartuko du protagonismoa gaur, bost festa egunen hirugarrenean.
Eta Astigarragan, oso berezia izango da Inauteri igandea: Zirikoketa dibertimentua egingo dute bigarren urtez. Mozorro tradizionalekin jantzita, makina bat herritarrek jarriko dute saltsa herriko txoko guztietan.
INAUTERIAK BAILARAN
GOIZUETAN
GAUR, igandea
17:00, Gaztetxoen zahagi dantza.
19:00, DJ Gorka.
21:30, Mozorroen afaria.
BIHAR, astelehena
07:30, Kafea ttanttarekin.
08:00, Mozorroen irteera baserrietara.
09:30, Plaza apainketa. Gaia: Lanbideak.
11:30, Kalejira, herrian zehar.
13:00, Umeen bazkaria, elkartean. Ondoren: haurrentzako filma, udaletxeko ganbaran.
14:30, Helduen bazkaria, elkartean.
17:00, Txokolatada.
17:30-19:30, DJ Gorka.
20:00ak aldera, Mozorroen etorrera Iruñeko dultzaineroekin.
22:00, Mozorroen afaria.
ETZI, asteartea
09:00, Mozorroen gosaria.
10:00, Mozorroen irteera, herrian zehar.
14:00, Mozorroen bazkaria.
17:00, Zahagi dantza, Plazatik abiatuta.
22:00, Mozorroen afaria.
HERNANIN
GAUR, igandea
09:00, Diana, Hernaniko Herri Musika Elkartearen eskutik.
11:30, Inauterietako txaranga.
12:00, Ttarla taldearekin konpartsa eta mozorroen kalejira paradorretik.
19:00, Kontzertua: Sorotan Bele eta Hernaniko Musika Banda. Atsegindegin.
BIHAR, astelehena
09:00, Diana, Hernaniko Herri Musika Elkartearen eskutik.
10:00, Gaztetxoen Axeri Dantza.
11:00, Haur eta gaztetxoentzako puzgarriak, Atsegindegin.
11:30, Entzierro txikia, Kaxkoan.
ETZI, asteartea
11:00, Kulki haur jolasak, Atsegindegin.
17:00, Hernani Musika Eskola Publikoko trikitilariak, Kaxkoan.
18:00, Txokolatada, Plazan.
18:30, Sardinaren ehorzketa dultzaina taldearekin.
ASTIGARRAGAN
GAUR, igandea
11:00-14:00, Zirikoketa, Ergobitik abiatuta. Foru plazan bukatuko da. Euria eginez gero, Herri eskolan eta Txomiñenen. Astigar elkarteak antolatuta.