Dena prest daukate Aranon eta Goizuetan, urteko garai berezienetako batez gozatzeko. Ohi bezala, aranoarrak izanen dira Inauteriak ospatzen aurrenekoak, bailaran: larunbat honetan daukate egun seinalatua. Goizean goiz abiatuko dira Zomorroak puxka biltzera, auzoz auzo eta etxez etxe, Izer eta Alabier trikitilariek girotuta. Elkartean bazkaldu ondoren eginen dute Zahagi Dantza, eta giro ederrekoa izanen da afarian ere, 'Auskalo zeñek jarriyak' emanaldiarekin.
Goizeko puxka biltzerako, bazkarirako zein afarirako, aldez aurretik eman behar da izena, herriko whatsapp taldean. Asteazkenera arte izanen da horretarako aukera.
Goizuetan astebete beranduago hasiko dira Inauteriak, baina egitarau potoloa prest daukate dagoeneko. Mozorroen irteerak eta Zahagi Dantza izanen dira ikur beste behin, eta asteleheneko kalejirak jarriko du saltsa: lanbideak dira aurtengo gaia.
ARANOKO INAUTERIAK
OTSAILAK 7, larunbata
08:00, Puxka biltzea, Surotik abiatuta; Beltsoko Bordan elkartuko dira Zomorroak
Eguerdian, Zomorroen bazkaria, herriko elkartean
17:30, Zahagi Dantza
Gauean, Herri afaria elkartean, 'Auskalo zeñek jarriyak' emanaldiak girotuta: Eñaut eta Unai Agirre, Imanol Kamio eta Joanes Illarregi
GOIZUETAKO INAUTERIAK
OTSAILAK 14, larunbata
17:00, Euskal Herriko sokatira jardunaldia
OTSAILAK 15, igandea
17:00, Gaztetxoen Zahagi Dantza
19:00, DJ Gorka
21:30, Mozorroen afaria
OTSAILAK 16, astelehena
07:30, Kafea ttanttakin
08:00, Mozorroen irteera baserrietara
09:30, Plazaren apainketa. Gaia: Lanbideak
11:30, Kalejira herrian barrena
13:00, Umeen bazkaria, elkartean
Ondoren, Haurrentzako filma
14:30, Helduen bazkaria, elkartean
17:00, Txokolatada
17:30, DJ Gorka
20:00ak aldera, Mozorroen etorrera, Iruñeko dultzaineroekin
22:00, Mozorroen afaria
OTSAILAK 17, asteartea
09:00, Mozorroen gosaria
10:00, Mozorroen irteera herrian barrena
14:00, Mozorroen bazkaria
17:00, Zahagi Dantza, Plazan hasita
22:00, Mozorroen afaria
OTSAILAK 21, larunbata
12:30, Mozorroen poteoa, Igandea txarangarekin
14:30, Mozorroen bazkaria
17:30, Igandea txaranga