Magiaz eta liluraz bete zituen Hernaniko eta Goizuetako kaleak, astelehen arratsaldean, Errege Magoen kabalgatak. Kaleetan barrena ibili ziren Melchor, Gaspar eta Baltasar, beren laguntzaile finekin batera, goxokiak eta muxuak banatzen.
Eta ondoren, goxo-goxo hartu zituzten herritar gazteenak, beraien gutunak jasotzeko. Bazekiten lan haundi xamarra zutela gero, gauean, etxez etxe opariak banatzeko. Baina lasai eta gustura hartu zituzten herritar guztiak, banan-banan.