Datorren urteko martxoaren 19tik 29ra egingo da 24. Korrika, Atharratzetik Bilbora. Aurtengo Korrikaren doinua, Zetak taldeko Pello Reparazek sortu du, Maixux Zugarramurdi aranoarraren eta Erramun Martikorenaren laguntzarekin.
Abestiak 'Xiberutikan mendebaldera' du izena eta atzo aurkeztu zuten, Agoizko (Nafarroa) Kultur Etxean. Aurkezpenean izan ziren Ane Elordi Korrikako arduraduna, Pello Reparaz kantaren egilea eta Maixux Zugarramurdi abeslari aranoarra.