Abenduaren 22an hasiko dira Dobera Euskara Elkarteak antolatutako Negulekuak. Azken urteetan egin bezala, bi talde sortuko dituzte; bat Hernanin eta bestea Ereñotzun. Izena emateko epea zabalik dago jada, eta ostiral honetan bertan (abenduak 13) amaituko da. Inskripzioa www.dobera.eus webgunean edo Ereñotzuko Auzo Udalean egin daiteke.
Doberaren helburua gabonetako oporretan «euskerazko aisialdia» eskaintzea da, eta horretarako jarduera ugari prestatu dituzte: «Jolasak, sukaldaritza tailerrak, eskulanak, irteerak... Neguko oporraldian euskeraz eta euskerarekin gozatzeko aukera emango dugu».
Hernanik 3-10 urte bitarteko haurrek osatuko dute taldea (2015-2022), eta Ereñotzun 2-12 urte bitartekoek (2013-2023).
Ordutegi zabala eta goizeko zaintza zerbitzua
Goizeko 09:00etan hasiko dira Negulekuetako egunak, eta 13:30etan itzuliko dira haurrak etxera. Dena den, gurasoen ordutegietara egokitzeko asmoz, zaintza zerbitzua eskainiko dute goizeko 08:00etatik aurrera. Zerbitzu hau erabiltzen dutenek eguneko 5 euroko gehigarria ordaindu beharko dute.