Espero bezala, liga hasiera konplikatua ari da izaten Hernanirentzat eta Mundarrorentzat, nesken Gipuzkoako bigarren mailan, beraien estreinako denboraldian. Hernaniarrek astigartarren kontra lortu dute garaipen bakarra oraingoz, eta Munttarperekin berdindu dute beste partidu bat. Moreek, aldiz, ez dute punturik lortu oraingoz.
Bi taldeek, gainera, konpromiso zailak dauzkate gaurkoan, baina etxean ariko dira. Mundarrok Bergara liderraren bisita jasoko du kiroldegian, 12:00etan hasita; eta Hernanik Pulpo bigarrenaren kontra jokatuko du, 12:00etan kiroldegian.
Denboraldi hasiera gozoagoa izan dute Hernaniko mutilek, Gipuzkoako bigarren mailan: A multzoko lider dira, joan den astean aurreneko porrota jaso zuten arren, Egiaren kontra (25-35). Legazpiren kantxan ariko dira bihar, 12:00etan.