Sasoi onean hasi dute denboraldia Mundarroko eta Hernaniko saskibaloi talde nagusiek. Bi taldeek hiru garaipen eskuratu dituzte lau partidutan, eta gaur arratsaldean gora begira jarraitu nahi dute.
Take Orbelaren kantxan jokatuko du Mundarrok. Arratsaldeko 16:00etan hasiko da partidua, eta, hasiera batean, astigartarrak dira faborito. Tolosarrek hiru porrot jaso dituzte liga hasiera honetan, eta bolada txarrari buelta eman ezinik dabiltza.
Hernanik ere arratsaldeko 16:00etan jokatuko du. Etxean arituko da Gipuzkoako 2. mailako taldea, Modelos Modelberriren aurka. Pasa den asteburuan bi puntu exkaxengatik galdu zuen Hernanik, baina oraingoan garaipena bertan mantentzen ahaleginduko dira. Modelberri aurkari gogorra da, eta lehia estua espero da kiroldegiko kantxan.