Aranon eta Astigarragan festen egun haundia biziko dute gaur. Santio Eguna izanik, Aranon jaiak ofizialki hasiko dira Urumeako Mendiak Bizirik elkarteko kideen eskutik eta Astigarragan, ohitura zaharrari eutsiz, udalbatzaren soka dantza izango da Foru Plazan.
Eguraldiak gehiago lagunduko du eta haurrentzako karaokea, euskal dantzen erakustaldia, kolpez blairen kalejira, DJ Gizzi, zezensuzkoa, Kresalaren kontzertua... izango dira aspertzeko denborarik gabe.
Aranon buruhaundi eta erraldoiak aterako dira txupinazoa eta gero, frontoian esku pelota partiduak hasi aurretik. Arratsaldean, pala partiduak eta bertsolariak girotuko dute herria, afari herrikoirako gosea sartzen den bitartean. Gauerako utzi dituzte mus kontuak eta erromeria Komerik-ekin.
SANTIOAK
ASTIGARRAGA
GAUR
06:00 Lau Katu txaranga, Gazte Asanbladak antolatuta.
Ondoren, barrene herrikoia. Txomiñene pelotalekuan.
07:00 Gosaria, Zipotza elkarteak antolatuta.
09:30 Txirrisklako txistularien diana.
10:00 Santiotako II. Xake Txapelketa. Kontxa Etxeberrian.
12:30 Udalbatzaren Soka Dantza. Foru plazan.
13:00 Elegancia Mexicana. Joseba Barandiaran plazan.
17:00 Haurrentzako karaokea. Kontxa Etxeberria plazan.
18:00 Euskal dantzen erakustaldia, Astigar elkarteak antolatuta. Txomiñenean.
18:00 Botilzarra, Ai Laket elkartearen eskutik. Alkoholaren kontsumoari buruzko prebentzio egitasmo ibiltaria, nerabeei eta gazteei zuzendua.
19:00 Kolpez Blai perkusio kalejira. Kontxa Etxeberria plazatik abiatuta.
19:30 Santa Ana eguneko Idien Pisatzea, Goldea elkarteak antolatuta. Foru plazan.
22:00 DJ Gizzi. Kontxa Etxeberria plazan.
22:30 Zezensuzkoa. Kontxa Etxeberria plazan.
23:30 Kresala taldearen 30. urteurreneko kontzertua. Joseba Barandiaran plazan.
00:00 Larrain dantza herrikoia. Foru plazatik abiatuta.
00:30 Micosis eta Mala Ruina. Txosnan.
SANTIOAK
ARANO
GAUR
11:00, Meza.
11:30, Hernaniko dultzaineroen kalejira.
12:00, Txupinazoa, 'Urumeako Mendiak Bizirik' herri ekimenaren eskutik.
Segidan, Herriko buruhaundi eta erraldoiak.
12:30, Esku pelota partiduak:
Nesken artekoa:
Ainitze Arratibel-Larraitz Galardi
Araitz Legarreta-Alize Sagardui
Arano-Goizueta desafioa:
Egoitz Olaizola-Mikel Leonet
Beñat Apezetxea-Antton Apezetxea
17:00, Lagunarteko Pala Txapelketaren finalak.
19:00, Bertso saioa: Julio Soto, Aitor Mendiluze, Nerea Ibarzabal eta Andoni Rekondo. Gai-jartzailea: Aritz Zerain.
21:00, Herri afaria, norberak eramandakoarekin.
22:00, XLI. Mus Txapelketa, San Roke elkartean.
23:00, Komerik erromeria taldea.