EAEko Udal Legea «kimatu» eta euskera «bigarren mailako hizkuntza izatera kondenatu» duen epaia eman zuen Espainiako Auzitegi Gorenak ostegunean, Udalerri Euskaldunen Mankomunitateak (UEMA) salatu zuenez. Epaiak atzera bota ditu VOX alderdiaren eskariz EAEko Auzitegi Nagusiak baliogabetu zituen Udal Legearen artikulu gehienak.
Hori horrela, epaia salatu eta erantzuna emateko, elkarretaratze jendetsuak egin zituzten atzo eguerdian, UEMAko kide diren udalerrietan, udaletxeen aurrean. Hernanin, esaterako, 200 herritar inguru bildu ziren, Udalak eta Euskararen Kontseiluak deituta, 'Euskararekin bat' lelopean. Aldarrikatu zuten ez diotela uko egingo euskeraz aritzeari, eta ezta «euskerak behar duen justiziari» ere.
