Hazilan+ programan izena emateko epea zabaldu da apirilaren 22ra arte esteka honetan: https://goo.su/S6WHm0. Beterri-Buruntza mankomunitateak jarri du martxan, kualifikazio ertain-altua duten langabeen laneratzea eta enplegagarritasuna hobetzeko helburuarekin.
Hazila + programaren Osatu izeneko ibilbidearen baitan berrikuntzarekin eta garapen pertsonalarekin lotutako gaitasun pertsonalen entrenamendu-programa (80 ordutako formakuntza bidez maiatzetik ekainera bitarte) eta enpresako praktikak (2-9 hilabete artekoak ekainetik aurrera) eskainiko dira.
Kualifikazio ertain-altua dutenentzako
Kualifikazio-maila ertain-altua izan arren, langabezian dauden eta lan-merkatuan sartzeko edo berriro sartzeko zailtasunak dituzten pertsonei zuzendua dago.
Titulua lortu berri duten pertsonentzat (erdi-mailako eta goi-mailako LH, unibertsitate-gradua edo unibertsitate-ondokoa), lan-esperientziarik edo lanbide-profilari lotutako esperientziarik ez dutenentzat. Langabezian dauden pertsonentzat eta lan merkatuan berriro txertatzeko zailtasunak dituztenentzat. Zaintza-lanengatik edo beste arrazoiengatik lan mundutik kanpo egon direnak.
Informazio gehiagorako: enplegua@beterriburuntza.eus helbidera idatzi edo 943 244 523 / 747 441 752 telefonoetan.