Asteburu kaxkarra izan da bailarako futbol taldeentzat: hiru talde, hiru porrot. Euskal Ligako neskek Zubipen jokatu zuten larunbatean, eta 1-4 galdu zuten Erandioren aurka. Asteburu honetan Gasteizen jokatuko du Hernanik, Lakuaren kontra.
Hernaniko gizonezkoen taldeak 3-1 galdu zuen Bergaran. Hurrengo jardunaldia etxean jokatuko dute berriro, Urola aurkari zuzenaren aurka. Beheko postuetatik aldentzeko ezinbestekoa da Hernanirentzat puntuak hirunaka gehitzea.
Azkenik, partidu ero batean jaso zuen porrota Mundarrok. Santo Tomas Lizeoaren aurka 4-3 galdu zuten astigartarrek. Oraingoan ez dute erronka errazagorik izango, Roteta liderraren kontra arituko baitira Zarkumendegin.