Hernaniko Euskal Ligako neskek bakarrik jokatuko dute etxean asteburu honetan. Gaur arratsaldean izango da Hernaniren eta Elorrioren arteko partidua, 17:30etan hasita.
Eibarren aurka lortutako garaipenak konfiantza haundia eman dio taldeari, baina gaurkoa ez da edonolako aurkaria izango. Sailkapeneko bigarren postuan dago Elorrio, eta joaneko partiduan 4-0 irabazi zuen Hernaniren aurka.
Ohorezko Erregional mailako mutilen taldeak bihar jokatuko du, 18:15etan, Deustoren aurka. Aurreko asteburuko estropezuaren ondoren, bolada onera itzuli nahi du taldeak aurkari zuzen baten aurka irabazita.
Orion jokatuko du Mundarrok
Mundarrori ere Zarkumendegitik kanpo jokatzea egokitzen zaio oraingoan. Orioko talde indartsuari egin beharko dio aurre Mendibeltzen, gaur arratsaldeko 17:00etan hasita. Etxean Euskaldunaren aurka lortutako garaipenari jarraipena eman nahi diote astigartarrek.