Gaur hasiko da Berria Txapelketa, ligaxkako aurreneko bi partiduak jokatuta, arratsaldeko 16:30etatik aurrera Galarretan. Estreinakoan, aurrez aurre izango dira Mattin Arluziaga hernaniarra eta Oier Apezetxea goizuetarra. Ibai Martirena izango du atzelari Arluziagak, eta Ugaitz Susperregi aurrelariarekin batera jokatuko du Apezetxeak.
Jaialdiko hirugarren partidua izango da txapelketako bestea: Goikoetxea V eta Goikoetxea VI, Gurrutxagaren eta Eskuderoren kontra. Eta gaurko estelarrean, Javier Urrizak piztuko du ikusmina, beste behin. Aritz Juanenearekin batera ariko da iruindarra, Beñat Segurolaren eta Xabier Azpirozen kontra.