AEK euskaltegiko zilegi eskolak hiru saio antolatu ditu urtarrilean zehar Hernanin eta Astigarragan. Datorren astelehenean, hilak 20, Ilgora fisioterapiako kideek zoru pelbikoa zaintzeko klase teoriko-praktikoa emango dute Sandiusterrin goizeko 09:30etatik 11:30etara.
Astigarragan, aldiz, lehen sorospenen gaineko saioa egongo da urtarrilaren 22an. Goizean, Erribera kulturgunean izango da 09:30etatik 11:30etara eta arratsaldean, berriz, kultur etxe zaharreko areto nagusian 18:00etatik 20:00etara.
Saioak doakoak izango dira eta komeni da izena ematea. Horretarako bi bide jarri dituzte. Helbide elektronikoz eman daiteke izena zilegieskola@aek.eus helbidera idatzita edo 663 043 314 telefono zenbakian.