Eguneko bertsoa

Euskaratik has gaitezen...

Kronika - Erredakzioa 2024ko abe. 3a, 08:52

Euskeraren Nazioarteko Eguna da gaurkoa. Amets Arzallusek Bertsolari Txapelketa Nagusian kantatutako azken agurra etorri zaigu gogora. 

Zorionak Maialen maite
denok gaituzu goratzen!
Ez dut terapia beharrik
postuaz ez naiz lotsatzen
euskaldun bat sor liteke
Zumaian edo Goiatzen
euskalduna sor liteke
Konakryn edo La Pazen
euskara da beltzik beltzen
euskara da transik transen
gorputz onartu gabe bat
mundu berriak asmatzen
ta ibili gabe inori
pasaporterik eskatzen
euskaratik has gaitezen
bizitza oro askatzen!

Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!