Gaurko egunez duela 240 urte, euskeraz hitz egitea debekatu zuten Aiako eskolan, Joan Mari Torrealdaik 'Asedio al euskera' liburuan jaso eta Argiak egutegira ekarri duenez. Hari horri segika, Julio Sotok 2012an Aian bertan abestutako bertsoa ekarriko dugu gaurkoan, gai honi erantzunez: 'Sarritan entzundako leloa da «Euskalduna naiz eta harro nago». Nahikoa al da hori harro egoteko?'.
Hiru bertsoko sortaren bigarrena da segidan dakarkiguna, eta hemen dago irakurgai eta entzungai bertsoaldi osoa.
Hau ez da España ez da Frantzia
bi herrialde urruna
dula bostehun bat urte izan zen
Naparroko erresuma
ta gero “Perdón” ta gero “Pardon”
ta zu ez bazara laguna
batzutan ahaztu egiten zaigu
zer den benetan duguna
hizkuntza dela gure herria
berezi egiten duna.