Indarkeria Matxistaren Kontrako Nazioarteko Eguna da azaroaren 25a, eta aurten ere jarduera ugari antolatu dituzte bailarako eragileek. Azaroaren 25ean Hernanin eta Astigarragan hainbat elkarretaratze, manifestazio eta ekitaldi izango dira, baina Goizuetan, Ereñotzun eta Aranon ere izango dira ekintzak. Gainera, Astigarragan eta Hernanin gaurtik eta asteburu osoan zehar izango dira ekimenak.
Honela, gaur Astigarragan kafe tertulia bat egingo da indarkeria bikarioari buruz, 18:30etan, Emakumeon Etxean. Hernanin ere kafe tertulia izango da bihar, 10:30etan, Atsegindegin, Hernaniko emakume talde batek antolatuta. Ondoren, 12:30etan, kontzertu akustikoa eta luntxa egongo dira Nora Sarriegi eta Nora Etxeberriarekin. Etzi, igandean, Astigarragan, nerabeentzako indarkeria matxista identifikatzeko saioa egingo da Gaztelekuan, 17:30etatik aurrera.
Aranon, Ereñotzun eta Goizuetan azaroaren 25erako utzi dituzte protesta ekitaldiak. Aranon, 18:30etan, elkarretaratzea egingo dute Kontzejuaren atarian eta ondoren, afari-merieda elkartean.
Goizuetan, 18:00etan hasiko da kalejira eta ondoren txokolatada prestatuko dute. Ereñotzun, 'Sua piztu eta indarkeria itzali' ekitaldia egingo dute, 18:00etan, Katiluzarrek antolatuta. Gainera, azaroaren 27an, Haur literatura, berdintasunaren aldeko aliatu izango da, 19:00etan, auzo udalean.
|
AZAROAK 25 - EMAKUMEENGANAKO INDARKERIAREN AURKAKO EGUNA ASTIGARRAGA GAUR, ostirala ETZI, igandea HERNANI BIHAR, larunbata 12:30, Kontzertu akustikoa eta luntxa, Atsegindegin: Noa Sarriegi eta Nora Etxeberria. Hernaniko emakume talde batek antolatuta. ARANO AZAROAK 25, astelehena GOIZUETA AZAROAK 25, astelehena EREÑOTZU AZAROAK 25, astelehena AZAROAK 27, asteazkena |