Bost partidutik bi irabazi arren, sailkapeneko azkenaurreko postuan dago Mundarro, nesken Gipuzkoako 1go mailan; kontrario gehienek baino partidu bat gutxiago jokatuta, hori bai.
Baina hitzordu garrantzitsua daukate bihar, beheko postuetatik ateratzeko. Izan ere, Oiarsoren kantxan ariko dira, arratsaldeko 16:00etan hasita Errenteriko Don Boscon. Kontrario zuzena da Oiarso, astigartarrak baino postu bat gorago dagoena sailkapenean.
Mundarroko mutilek, berriz, Oñatin jokatuko dute 1go mailako partidua gaur, 18:00etan Zubikoan, Aloña Mendiren kontra. Laugarren garaipena bilatuko dute astigartarrek, balantze positiboarekin jartzeko. Eta Hernaniko mutilen talde nagusiak ere, etxetik kanpo jokatuko du gaurkoan, bigarren mailan: Easo Basketen kontra, 20:00etan Donostiako Paco Yoldin.