Garaipena lortu zuen igandean Hernaniko Eskubaloi Elkarteko senior mailako mutilen taldeak. 30-25 irabazi zuen Saiekoren aurka, partidu txukuna osatuta. Lehenengo hiru jardunaldietan irabaztea lortu du Hernanik, eta fasea goiko postuetan amaitzeko hautagai argia da. Asteburuan Munttarpe liderraren aurka arituko da.
Jubenil mailan garaipena eskuratu zuen Mundarrok. Usurbilen jokatu zuten larunbatean, eta 23-30 nagusitu ziren astigartarrak. Hernanik atsedenaldia izan du jardunaldi honetan.