Une batzuetan zerua ilun-ilun jarri eta zaparradak egingo ditu, eta beste batzuetan ostarteak irekiko dira. Ez da baztertzen trumoi-ekaitzen bat izatea kostaldetik gertu. Gainera, tenperaturek behera egingo dute, eta mendebaldeko eta ipar-mendebaldeko haizeak gogor joko du, hotz sentsazioa zertxobait areagotuz. Tenperatura altuenak 17-19 ºC artekoak izango dira eta minimoak egunaren amaieran neurtuko dira.