Podiumean izan zen Luis Goñi igerilari hernaniarra, beste behin, joan den asteburuan. Bigarren sailkatu zen Flysch Beltza igeriketa zeharkaldian, Mutrikutik Debara, 38:22 denborarekin. Mikel Iriondo ondarrutarrarekin iritsi zen lehorrera, baina korrikaldi luzea osatu behar izan zuten helmugara bitarte, eta azkarrago aritu zen Iriondo, garaipena lortzeko (37:15). Behin atzean geratuta, lasai egin zituen azkeneko metroak hernaniarrak.