Portugalgo erakunde ezberdinetako 55 ordezkarik ezagutu zuten pasa den astean Astigarragako eta Hernaniko hondakinen kudeaketa eredua. Zero Waste Europek antolatu zuen bisita, «Portugalgo hondakin politikak aldatzeko ereduak ezagutzeko».
Astigarragan Xabier Urdangarin alkatearen eta Garbitaniako ordezkarien azalpenak jaso zituzten portugaldarrek. Datu teknikoak emateaz gain, kaleko edukiontziak, mini garbiguneak, olio makinak eta ehunkien edukiontziak bisitatu zituzten, besteak beste.
Astigarragako bisita amaitu ondoren, Hernaniko Atez-ateko sistema ezagutu zuten bisitariek.