Astebete besterik ez da geratzen Gipuzkoako Bertsolari Txapelketa hasteko. Hilaren 14an jokatuko dute lehenengo saioa, Urretxun, eta abenduaren 14an izango da final haundia, Illunben. Bailarako ordezkaritza zabala izango da aurtengo edizioan ere; bost bertsolari eta lau epaile arituko dira.
Final zortzirenetatik abiatuko dira gehienak. Txapelketako lehenengo saioan kantatzea egokitu zaio Andoni Rekondo hernaniarrari; hilaren 22an Elgoibarko saioan abestuko du Eli Pagolak; eta Andoainen batera arituko dira Andoni Mujika 'Anatx' osiñagarra eta Eñaut Martikorena hernaniarra. Agin Laburu astigartarra, berriz, final laurdenetatik abiatuko da, duela 5 urteko txapelketako finalista izateagatik. Horiez gain, Hernaniko Bertso Eskolan ibilitako beste zenbait bertsolarik ere abestuko dute txapelketan.
Sailkapen prozedurari dagokionez, final zortzirenetan 42 bertsolarik abestuko dute, sei bertsolariz osatutako 7 saiotan. Saio bakoitzeko irabazleak zuzenean sailkatuko dira hurrengo fasera, eta gainontzeko 17 postuak puntuazioaren arabera beteko dira. Hau da, 42 horietatik 24 bertsolarik egingo dute aurrera.
Final laurdenetan aurreko txapelketako sei finalista sartuko dira jokoan. Bost saiotan banatuko dituzte bertsolari guztiak, eta 30etik 18k lortuko dute finalerdietan aritzeko txartela. Azkenik, finalerdietako irabazleak eta puntuazio onena duten hurrengo bost bertsolariak sailkatuko dira final haundira.
Berritasunen artean, aurtengo txapelketan 25 urtez azpiko bertsolari onenaren saria berreskuratu dute.
Kronikak bailarako bertsolarien jarraipena egingo du, eta hilaren 14ko alean Ekain Tolaretxipi hernaniarrarena izango da irakurgai.
URRETXU
IRAILAK 14, 17:00
Andoni Rekondo Izagirre
Ane Zuazubiskar Iñarra
Antton Aizpurua Aldape
Jon Gurrutxaga Urbieta
Mikel Iturriotz Etxaniz
Unai Mendizabal Jauregi
ANDOAIN
IRAILAK 29, 17:00
Andoni Mujika Izagirre 'Anatx'
Eñaut Martikorena Lizaso
Aitor Salegi Martija
Endika Igartzabal Murua
June Aiestaran Iparragirre
Manex Mujika Amunarriz
ELGOIBAR
IRAILAK 22, 17:00
Eli Pagola Apezetxea
Eneko Araiztegi Agirre
Iñaki Apalategi Astigarraga
Libe Goenaga Arrieta
Unai Izagirre Etxeberria
Uxue Fernandez Lasa
EIBAR
URRIAK 19, 17:00
Agin Laburu Rezola
Alaia Martin Etxebeste
Puntuazioz 3.
Puntuazioz 4.
Puntuazioz 9.
Puntuazioz 14.