Luis Goñik bigarren amaitu zuen igandean, Txingudiko Itsas Zeharkaldian. Azken metroetan, korrika egin zion ihes garaipenak. 51 urteko hernaniarra, 19 urteko Sergio Nieto errioxarrarekin batera irten zen uretatik, pare parean, baina zutik lehenago jarri zen Nieto, gaztetasunak ematen duen erreakzio azkarrari esker. Hala ere zeharkaldi bikaina egin zuen Goñik eta oraindik lehiakorra dela gazteen aurrean erakutsi zuen. Hurrengo zita Paseo Berrikoa izango da, hilaren 15ean.