Gaur arratsaldean jokatuko da Galarretan Jai Alai Summer Seasoneko hirugarren jardunaldia. Arratsaldeko 16:30etan hasiko da jaialdia, eta gaur bertan ezagutuko dugu lehenengo bikote finalista.
Juanenea-Ansa eta Barrenetxea-Urriza bikoteen arteko partidutik irtengo dira lehenengo finalistak. Izan ere, lehenengo partidua irabazita iritsi dira hirugarren jardunaldira bi bikoteak; hortaz, gaur irabazten duenak aurrera egingo du zuzenean.
Beste bi partiduak bigarren mailakoak izango dira; lehenengoan Goikoetxea-Eskudero bikoteak Zaldua-Zubiri bikotearen aurka jokatuko du, eta bigarrenean Gurrutxaga-Apezetxea bikotea Susperregi-Aiestaran VI bikotearen aurka arituko da.
Aiestaran Buruz Burukotik kanpo geratu da
Asteartean jokatu zuen Aiestaran VI.ak Buruz Buruko txapelketako partidua Eskuderoren aurka. 30-23 galduta, txapelketatik kanpo geratu da.