Hemen dira Martindegi auzoko jai kuttunak, hemen dira San Ferminak! Etzi emango zaie hasiera Martindegiko San Ferminei, eta igandera arte, ekintza mordotan parte hartzeko parada ederra izango dute auzotarrek. Ostiral goizean emango zaie hasiera ofiziala jaiei, auzoko zirrikituak zeharkatuko dituen kalejirarekin, eta segidan, auzoko hildakoen omenezko meza egingo dute. Meza amaituta, Oialume tabernak hamaiketako bikaina eskainiko die auzotarrei, festak indarrean hasteko. Goiza amaitzeko, auzoko txikientzat jolasak antolatu dituzte eta buruhaundiak aterako dira maxkuriak eskuetan dituztela, bizkarrak bero-bero jartzera.
Arratsaldean, Andoni Magoak 'desorekatua' izeneko emanaldia eskainiko die auzotarrei, eta 17:30ak aldera, LIII. Tiro karabina lehiaketak hartuko du protagonismoa. 18:00etatik aurrera, berriz, puzgarrietan zilipurdika ibiltzeko aukera izango dute auzoko txikiek. 19:00etan, herri kirolek hartuko dute erreleboa eta aizkoran ariko dira ondorengo lau emakumeak: Malen Barrenetxea Martindegiko auzotarra, Nerea Arruti, Irati Astondo eta Uxue Ansorregi.
Afaldu aurretik egarria dena asetzeko, sagardo dastaketa eta pintxo jana antolatu duten auzotarrek. Ondorengoak izango dira parte hartuko dute sagardotegiak: Zelaia, Oialume Zar, Oiarbide, Etxeberria, Larrarte, Gurutzeta, Petritegi, Larre Gain, Iretza, Artola, Elutxeta, Indioene, Bereziartua eta Mendizabal.
Jaien lehenengo egunari amaiera emateko, gorputzak mugimenduan jarriko dituzte Bide Batez taldearen erromeriarekin.
|
SAN FERMINAK 2024 MARTINDEGI ETZI 10:30 Festei hasiera emateko auzoan zehar kalejira 11:00 Auzoko hildakoen aldeko meza Ondoren, hamaiketakoa Oialume tabernaren eskutik 12:00 Haur jolasak eta buruhaundiak 17:00 Andoni Magoa 'Desorekatua' 17:30 LIII. Tiro karabina lehiaketa 18:00 Puzgarriak 19:00 Dastatzeko tortilak jasotzea. Tortila goxoenaren emaitza Akelenea Jatetxeak saritua 19:00 Herri Kirolak. Lau emakume aizkolari beraien arteko deman: Malen Barrenetxea; Nerea Arruti; Irati Astondoa; eta Uxue Ansorregi. 20:00 Sagardo dastaketa eta pintxoak, ondorengo sagardotegiekin: Zelaia, Oialume Zar, Oiarbide, Etxeberria, Larrarte, Gurutzeta, Petritegi, Larre Gain, Iretza, Artola, Elutxeta, Indioene, Bereziartua eta Mendizabal 22:30 Erromeria Bide Batez taldearekin UZTAILAK 6, LARUNBATA 10:30 Mobida 13:00 Goiko aristian oroigarri xume bat 'gure artean ez daudenentzat'. Tturko familiari eskertza, ematen diguten 14:30 Auzo bazkaria 17:00 Inkansables txaranga 17:30 Gaztetxoentzat zalditxoak 18:00 Apar festa Laket tabernak antolatuta 19:30 Arratsaldeko dantzaldi saioa Itzal taldearekin 22:15 XX. Zaldi dema: Jarraian dantzaldia Itzal taldearekin Ondoren platano dantza lehiaketa xelebrea UZTAILAK 7, IGANDEA Goizean goiz Diana Astigarragako Txirriskla txistularien eskutik 12:30 Euskal Festa Harrijasotzaileak: 13:00 Bertsolarien saioa: Amets Arzallus eta Jexux Mari Irazu 17:30 Toka txapelketa nagusia 17:30 Puzgarriak 18:00 Bertsolariak: Amets Arzallus, Jexux Mari Irazu eta Nerea Ibarzabal Jarraian Erromeria Izer eta Alabier trikitilariekin Ondoren Kalejira auzoan zehar festei amaiera emateko |