Urteko hamabosgarren irteera egingo dute bihar Zikuñagako zikloturistek. Asteburu honetan 09:00etan jarri dute hitzordua Zinkoenean, eta bertatik Berastegira abiatuko dira. 60 kilometroko ibilbidea osatuko dute. Irteeran parte hartu ahal izateko, beharrezkoa da klubeko ekipamenduarekin joatea.
Biharko irteerarekin egutegiko erdiak beteko dituzte zikloturistek.
Unax Otegi, 21garren Gipuzkoako Txapelketan
Iruki taldeko Unax Otegi txirrindulari hernaniarra 21garren sailkatu zen aurreko, larunbatean, Zegaman jokatutako junior mailako Gipuzkoako Txapelketan, Oskitx Egiguren irabazlearengandik 2:36ra. Aimar Capdequi astigartarra 50garren iritsi zen helmugara, 7:08ra.