Gaur jokatuko du Hernanik final laurdenetako bueltakoa, paleta gomazko Herriarteko Txapelketan. 19:30etan hasiko dira partiduak, Hernaniko kiroldegiko frontoian. Joanekoan hiru partiduak galduta, 0-3ko markagailuari eta 19 tantoren desabantailari eman behar dio buelta Hernanik, Aiaren kontra. Horretarako, honakoa da osatu duen laukotea: Endika Ramos, Iker Zurutuza, Alain Agirre eta Mikel Manterola.
Oso bestelako egoera dauka Astigarragak. Joaneko hiru partiduak irabazi zituen Itziarren, eta horri eustea du biharko erronka: Txomiñenen jokatuko du bueltakoa, 19:30etan, Zestoaren kontra. Bi aldaketa egingo dituzte laukotean: Axier Luluaga ariko da buruz buru, Iker Laso eta Beñat Zubiarrain binaka, eta Ganix Urdangarin zazpi barruan.
Eskuzkoan, Hernanik zita bihar Oiartzunen
Eskuzko Herriartekoan, bestalde, bihar jokatuko du Hernanik, final laurdenetako bueltakoa. Oiartzunen ariko da, eta etxean jasotako porrotari eman behar dio buelta. 1-2 galdu zuen, eta 17 tantoren desabantaila pilatu. Atzo ziren zehaztekoak kanporaketa irauli nahian Oiartzunen ariko den seikotea.