Euskadiko Toka Txapelketa jokatu zen igandean, Donostiako Altza auzoan; eta astebete lehenago lortutakoa errepikatu zuen Martxeli Kanflanka ereñotzuarrak. Onena izan zen emakumezkoetan, eta Euskadiko txapela gehitu zion, Gipuzkoakoan lortutakoari.
Zazpi bider entzun zen burni hotsa, ereñotzuarraren tiraldietan, eta bi gutxiago jo zituzten hurrengo biek: Rosa Santos astigartarra izan zen bigarren, eta Nekane Etxeberria hirugarren.
Gizonezkoetan, berriz, Jose Antonio Calvo urretxuarra izan zen onena, 18 aldiz burnia jota, alde nabarmenarekin. Laugarren sailkatu zen Leandro Miner ereñotzuarra, 14rekin, Ino Ugartebururen (15) eta Antonio Amundarainen (14) atzetik.